TREUDDYN

Disgrifiad o´r Safle

Dau goetir llydanddail yn dilyn nentydd a rhyngddynt mae glaswelltiroedd niwtral a chorsiog wedi'u lled-wella â chyfoeth o lysiau. Ynn, sycamorwydden, derw, gwern a bedw sy'n dominyddu'r goedwig grwynnog yn ardal ogleddol y safle ger Coed Talon.

 

Mae celyn, criafol a chyll yn doreithiog yn haen y llwyni gyda pheth rhosyn gwidog.  Mae fflora'r llawr yn amrywiol, gyda llawer o farddanhadlen felen, brith y coed, clychau'r gog, mieri a rhedyn.  Mae caldrist llydanddail yn bresennol. Gwernen a chyll a ddominyddir yng nghesell ogleddol y coetir hwn, gyda brigwellt copog yn drech yn haen y ddaear wrth iddo gael ei bori.

 

Mae’r pedwar cae ar lethr yn gyfoethog o lysiau ac wedi’u dominyddu gan berwellt y gwanwyn, maeswellt cyffredin, maswellt penwyn, rhonwellt y ci, llyriad yr asennau, pengaled a chlust y gath gyda chribell felen, tamaid y cythraul, tegeirian brych a melog y cŵn. Mae pob cae wedi'i amgylchynu gan wrychoedd.  Mae'r glaswelltir corsiog ar ymyl y goedwig wedi'i ddominyddu gan frwyn blodeufain gyda llafnlys bach a physen y ceirw mwyaf.  Gorwedd y goedwig ddeheuol yn nyffryn serth Nant Byr.

 

Ynn a bedw arian yn bennaf gyda sycamorwydden.  Mae helyg yn dominyddu glan y nant.  Mae'r haen llwyni trwchus wedi'i dominyddu gan gollen gyda'r gorswiglen, y ddraenen wen, y gelynnen a'r onnen.  Mae eiddew, briwydd y coed, y farddanhadlen felen, bresych y ci, brigwellt copog, mieri a rhedyn yn gydrannau o’r haen o berlysiau llawn rhywogaethau.  Mewn ardaloedd mwy llaith mae erwain, melyn y gors yn tyfu mewn bara menyn.

 

Coed Talon ger Ffordd Y Bont

Ar ddiwedd y gwanwyn mae llawer o glychau'r gog a blodau gwyllt. Mae clychau'r gog yn rhywogaeth a warchodir felly cofiwch beidio â'u pigo.